Gravina in Puglia, notizie, storia, cultura,politica,turismo

Iè notte. Ce sé cè iore. 'Nze sente nisciune.
So spandète inte o suonne, senza ragione.
O iè stète la luusce de la lune
Passète sop'o lliette da u cascione.

Chessa camere? Tale e quèle accame a tanne,
accame iere quèse trent'anne 'udrete.
Ma iinte o core cè reste de chidd'anne,
de cudde belle tiempe ch'è passate?

U core iè tutte quante nu campesante,
nu campesante de suonne e fantasì,
pe tanta lampariedde petulante
pe quanta sbaglio fatte e fessarì.

Chessa chèse? Quant è granne e came è citte
Mo ca tanta crestiène se ne so sciute
E so rumèse o munne, vive, iie scechitte
Ma cu nu pete gè iinte o tavute.

Sta campène? Iè l'arlogge de la ville,
vecchie cumpagne de quann'ere uagnone,
ii la canusciarisse pure tra mille,
accame se canosce na canzone.

Vecchie arlogge, quant'ore m'a segnète,
iore de priisce, iore de sventure,
belle, luciente, brutte desulète,
iore d'amore, iore de paure.

Ma tanne, vecchie arlogge, per lo mene
staie nu fatte, staie la speranze
e iinte a chidd'ore de velene
putai diisce: "Tiempe me n'avanze".

Ma iosce pure pe miche s'è fatte noote
E non pozze chiiù diisce: "Forse ca crè".
Pure chisse patène se so cotte
E iè venute l'ore de menestrè.

Iosce pozze diisce scechitte: "Ca cudde Criste
Ca pe l'amoure nuoste è muorte accise,
pozza strazze chèdda cambièle a viste
e darmele n' arruocche 'mparavise".

Donato Marvulli, GRAVINA MAIE, Poesie gravinesi, a cura di Pinuccio Massari, Gravina in Puglia 2003